Испания терма жамоаси Миллатлар Лигаси доирасида кечган баҳсда Украинага мағлуб бўлди (0:1).
Испания терма жамоаси кетма-кет бешта сафар ўйинидан буён ғалаба қозона олмаяпти: Португалия билан 0:0, Германия билан 1:1, Швеция билан 1:1 ва Норвегия билан 1:1.
Бунақаси испанлар билан 1990 йиллар бошидан буён илк бор кузатилди. 1990—93 йиллар мобайнида Испания кетма-кет еттита сафар ўйинида ғалаба қозона олмаганди.
Шунингдек, бу Испания ва Украина терма жамоалари ўртасидаги ўзаро еттинчи тўқнашув бўлди. Унда украинлар илк бор ғалабага эришди, бунга қадар бешта мағлубият ва битта дуранг қайд этилганди.
Испания собиқ СССР мамлакатларига қарши 41-ўйинида иккинчи мағлубиятни қабул қилиб олди. Бундан аввал Грузия 2016 йилда «қизил фурия»дан устун келганди (1:0).
