Англиянинг "Манчестер Сити" клуби собиқ ҳимоячиси Пабло Сабалета ўзининг "Твиттер"даги расмий саҳифасида футболчилик фаолиятини якунлаганини эълон қилди.

"18 йиллик футболчилик фаолиятимни якунлашга қарор қилдим", – деб пост қолдирди 35 ёшли "Вест Хэм" клуби ҳимоячиси. – Бу йиллар менга жуда кўп ноёб онларни бошдан кечириш имкониятини берган ажойиб дамлар бўлди".

"Ушбу ажойиб сайёҳатда менга ҳамроҳ бўлган барчага ўз миннатдорчилигимни билдираман. Клублар, жамоадошларим, мураббийлар, оилам ва дўстларимга раҳмат айтаман".

Сабалета Аргентина терма жамоаси таркибида 58 та учрашув ўтказди. "Сан-Лоренсо" (79 та учрашув), "Эспаньол" (102), "Манчестер Сити" (333) ва "Вест Хэм" (80) клубларида ўйнаган.

Пабло икки марта АПЛ (2012 ва 2014) чемпионлигини, Англия Лига Кубогини (2014 ва 2016) Англия Кубогини (2011) ва Англия Суперкубогини (2012) қўлга киритди.