Англия терма жамоаси собиқ футболчиси, футбол эксперти Гари Линекер ВАР АПЛнинг 5-тур доирасида бўлиб ўтган «Эвертон» – «Ливерпуль» (2:2) жамоалари ўртасидаги учрашувнинг сўнгги киритилган голни инобатга олмагани ҳақида фикр билдирди.
Учрашувнинг 92-дақиқасида учрашув бош ҳаками Майкл Оливер Жордан Хендерсон томонидан киритилган голни инобатга олмади. Сабаби шуки, тўп киритилган вазиятда голга узатма берган Садьо Мане оффсайд ҳолатида қолиб кетди деб топилди.
«Табиийки, «Эвертон» учун хурсандман (Линекер "Эвертон" таркибида 1985 йилдан 1986 йилгача тўп сурган).
Аммо, жин урсин, ВАР ҳақиқатдан ҳам ушбу ўйиндаги ҳаётни тортиб олмоқда», – деб пост қолдирди Линекер ўзининг "Твиттер"даги расмий саҳифасида.
