Англиянинг "Манчестер Сити" клуби бош мураббийи Хосеп Гвардиола АПЛ доирасида "Арсенал" устидан қўлга киритилган ғалаба ҳақидаги фикрлари билан ўртоқлашди.

«Бу қийин учрашув бўлди, лекин биз 1:0 ҳисобида ғалаба қозондик. Эдерсон «Лидс» клубига қарши ўйиндаги каби фаол ўйин намойиш этди. Кўп сабабларга кўра, ўз спорт формамиздан анча йироқмиз. Ҳозир бунга эришиш мумкин эмас.

Ғалаба бизга катта ёрдам берди. Биз яхши ҳимояландик. Кучли рақибга қарши ўйинда уч очкони қўлга киритдик.

Мавсумолди тайёргарлик учун «Арсенал» ҳисобида икки ёки уч ортиқча ҳафта бор эди. Силва ва Канселолар жароҳатдан сўнг энди жамоамиз таркибига қайташди. Тўртта футболчимиз эса коронавирус сабабли машғулотларда иштирок эта олмаяпти.

Бугун Аке ва Диаслар ажойиб ўйин намойиш этишди. «Арсенал»нинг ҳужумларини ҳисобга олган ҳолда, Обамеянгни назорат қилиш учун Кайл Уокернинг тезлиги муҳим эди.

Агуэро қайтганидан хурсандмиз. У тўрт ой мобайнида биз билан бирга бўлмади», – деди Гвардиола.