Мадриднинг «Реал» клуби сардори Серхио Рамос жамоанинг сешанба куни бўлиб ўтган эрталабки машғулотларида иштирок этди.

34 ёшли испаниялик ҳимоячи Ла Лига доирасида «Кадис» (0:1) клубига қарши бўлиб ўтган учрашув давомида тиззаси безовта қилганди. Кейинроқ тест натижалари унинг жароҳати жиддий эмаслигини кўрсатганди.

Бироқ, Рамос чоршанба куни ЕЧЛ доирасида «Шахтёр» клубига қарши бўлиб ўтадиган учрашувда майдонга туша олмайди.

Аввалроқ, Рамоснинг асосий мақсади – шанба куни «Барселона»га қарши бўлиб ўтадиган ўйинга тайёр бўлиш эканлиги ҳақида хабар берилганди.