Лондоннинг «Челси» клуби бош мураббийи Фрэнк Лэмпард ЕЧЛ доирасида «Севилья» (0:0) клубига қарши бўлиб ўтган учрашув ҳақидаги фикрлари билан ўртоқлашди.

«Ўз дарвозанингни даҳлсизлигини сақлаб қолиш доимо ёқимли, ҳар доим мана шундай курашиш керак. Тиаго Силва ажойиб ўйин намойиш этди. Эдуар Менди битта сейвни амалга ошириш керак эди ва у буни қилди. Яхши шаклланган рақибга қарши ўйинда биз жамоавий ўйин кўрсата олдик.

«Севилья» кўплаб хавфли вазиятларни юзага келтирди, улар жуда яхши ўйнашди. Бизда ҳам бир қатор вазиятлар бўлди, аммо, ўйин анча эҳтиёткорлик билан ўтди ва имкон қадар ҳар икки жамоа ҳам бир-бирларини зарарсизлантиришга ҳаракат қилди, айниқса бу биринчи бўлимда сезилди. Биз очкони қўлга киритдик ва олдинга қараб интиламиз.

Тахминимча, икки жамоани ҳам бир очко қониқтирди. Ўтган ўйиннинг сўнгги дақиқасида ўз дарвозамиздан гол ўтказиб юборганди ва бундай фикрлар миянгиздан чиқиб кетмаса, бунинг оқибати ёмон. Демак, бугунги ўйин бизга ишонч бағишлайди деб бемалол айта оламиз.

ЕЧЛда гоҳида битта вазиятга таянасиз, лекин бугун у бизда содир бўлмади. Лекин бундан афсусланишимиз керак эмас, биз Премьер-лигада кўплаб голлар киритяпмиз, шу сабабли, биз дарвозамиздан гол ўтказиб юбормаганимизга хурсандмиз.

Шаклланишда давом этишимиз керак. Олдинда узун мавсум турибди ва биз мавсумни яхши бошладик. Қийин гуруҳда яхши старт олдик», – деди Лэмпард.