Лондоннинг «Челси» клуби янги мавсумга Петр Чехни рўйхатдан ўтказиб, футбол жамоатчилигини ҳайратга солди. Энди 38 ёшли дарвозабон АПЛ учрашувларида майдонга тушиш ҳуқуқига эга.
Чех – клубнинг тўртинчи дарвозабони сифатида рўйхатдан ўтказилди. "Челси"да Чехдан ташқари Кепа Аррисабалага, Эдуар Менди ва Вилли Кабальеро каби дарвозабонлар бор.
Менди жароҳат олди, Кепа эса ҳар бир ўйинда хато қилишда давом этмоқда. Кабальеро эса мунтазам равишда майдонга тушмаётгани учун, ўйин амалиётига эга эмас.
«Челси» клубидагилар Чехнинг рўйхатдан ўтишини – коронавирус сабабли фавқулотда ҳолат деб атади.
Чехиялик дарвозабон сўнгги пайтларда клуб маслаҳатчиси лавозимида ишлаб келаётганди.
