"Челси" бош мураббийи Фрэнк Лэмпард нима учун жамоанинг техник маслаҳатчиси Петер Чех Англия чемпионати рўйхатидан ўтказилганига изоҳ берди.

"Биз буни романтика учун қилмадик. Чех ҳозир яхши формада. Шу боис, бу ўйланган қарор бўлди. Бизда бундан яхшироқ вариант йўқ эди. Унинг ўйнашига шубҳам бор, аммо сўнгги 6-7 ойда рўй берган воқеаларни ҳеч ким кутмаган эди. Унинг бошқа дарвозабонларга берадиган тажрибаси — бебаҳо.

Петер нисбатан ёш, у фаолиятини давом эттириши мумкин бўлган вақтда ўйнашни тўхтатди. У ҳозир бизнинг машғулотларимизда мунтазам иштирок этмоқда. Сўнгги йилларнинг энг яхши дарвозабони билан ёнма-ён шуғулланиш бизнинг бошқа посбонларимиз учун фойдали бўлади.

Ўйлашимча, у таркибимизга пандемия туфайли қўшилганини барча тушуниб турибди", - деди Лэмпард.