Ўзбекистон Суперлигасининг 20-туридан ўрин олган "Машаъл" ва "Қўқон-1912" жамоалари ўртасидаги ўйин якунланди.
Дастлабки дақиқаданоқ олға интилган "шунқорлар" жарима зарбаси тепиш ҳуқуқига эга бўлишди. Муҳаммаданас Ҳасановнинг аниқ ва кучли зарбасини мезбонлар посбони қийинчилик билан эгаллаб олди.
Бугун дисквалификация сабаб, меҳмонлар сафида Шоҳназар Норбеков, Ойбек Рустамов ҳамда Иқбол Маликжоновлар жамоасига ёрдам бера олишмади. Биринчи бўлим давомида ҳар икки жамоада ҳисобни очиш учун яхши имкониятлар вужудга келганига қарамай, танаффусга жамоалар нурсиз дуранг билан чиқиб кетишди.
Иккинчи бўлимни мезбонлар фаол тарзда бошлашларига қарамай, ҳисобни очиш меҳмонларга насиб этди.
52-дақиқада Муҳаммаданас Ҳасанов рақиб ҳимоячисининг хатосидан унумли фойдаланиб рақиб дарвозасини ишғол этди. Голдан руҳланган "Қўқон-1912" ҳисобни ошириш учун яхши имкониятга эга бўлишди.
84-дақиқага келиб майдон эгалари ҳисобни тенглаштиришди. Хумоюн Муртозоев боши билан дарвозани ишғол қилди. Ушбу вазиятда ҳимоячилар Муртозоевни бироз кўздан қочиришди ва бундан "қалдирғочлар" ўйинчиси унумли фойдаланди.
87-дақиқада рақибларимиз ўз жарима майдончалари ичида Авазхон Маматхўжаевга нисбатан қўполлик ишлатишди. Ушбу қоида бузарлик учун ҳакам пенальти белгилади. Пенальтини эса Мурод Холмуҳаммедов ҳар доимгидек аниқ амалга оширди.
Суперлига, 20-тур.
"Машъал" - "Қўқон-1912"
Голлар: Хумоюн Муртозоев (84). Муҳаммаданас Хасанов (52), Мурод Холмуҳаммедов (88 пен)
"Машъал": 35. Раҳимжон Давронов, 5. Нажмиддин Нормуродов, 7. Ифеани Ифеани (6. Сирожиддин Раҳматуллаев, 46), 10. Шерзод Темиров, 11. Мўминжон Мелиев (29. Ҳумоюн Муртозаев, 56), 17. Жамолиддин Убайдуллаев (77. Иброҳим Нўъмонов, 46), 18. Аббос Шодмонов, 19. Сардор Абдураимов, 22. Сирожиддин Қўзиев, 33. Денис Васильев, 99. Жаҳонгир Абдусаломов (14. Элла Кен Арман, 62).
"Қўқон-1912": 21. Музаффар Абдуллаев, 3. Бобуржон Акбаров, 9.Суҳроб Бердиев, 10. Қувондиқ Рўзиев, 14. Аваз Маматхўжаев (13. Сардор Азимов, 90+2), 22. Муҳаммаданас Ҳасанов (19. Ҳамидулло Абдуҳамидов, 80), 23. Александр Мерзляков, 33. Иван Йосович, 69. Филип Райевац (5. Жасур Ёқубов, 80), 70. Мурод Холмуҳаммедов, 91. Якуба Бамба (4. Собит Синдаров, 61).
