Италиянинг «Интер» клуби ҳужумчиси Ромелу Лукаку ЕЧЛ доирасида Менхенгладбахнинг «Боруссия» клубига қарши бўлиб ўтган учрашув ҳақидаги фикрлари билан ўртоқлашди.
«Ўйлайманки, биз ўз майдонимизда ўйнаганимизни ҳисобга оладиган бўлсак, муваффақиятли натижага эришишимиз керак эди. Бизнинг жамоа янада кўп нарсаларга қодир. Ривожланишдан тўхтамаслигимиз керак, биз янада мазмунли ўйин намойиш эта оламиз. «Интер» кўплаб аспектларда кучли бўлиши керак. Биз ҳозир оддий бўлмаган даврни бошдан кечиряпмиз. Биз ўз имкониятларимизга бўлган ишончни йўқотмаслигимиз керак.
Яхшиланиш ҳақида гапирганимда, мен бошқа нарсалар қатори руҳий жиҳатни ҳам назарда тутаман. Биз самарали ҳимояланишимиз керак. «Боруссия» клубига қарши ўйинда ўтказиб юборган икки голимизда ўзимиз хатога йўл қўйдик. Бундай оддий вазиятларда хатога йўл қўймаслигимиз керак. ЕЧЛ – юқори савиядаги мусобақа ва бу ерда бундай хатолар кечирилмайди», — деди Ромелу Лукаку.
