Англияда футбол жамоатчилиги «Эвертон» дарвозабони Жордан Пикфордни танқид қилмоқда. Унинг хавфли "подкати" "Ливерпуль" ҳимоячиси Вирджил ван Дейкнинг жиддий жароҳатига сабаб бўлди. Жамоа бош мураббийи Карло Анчелотти "Ливерпуль" ҳимоячисининг жароҳати ҳақида фикр билдирди.
«Биз ҳақиқатдан ҳам Ван Дейкнинг жароҳатидан афсусдамиз. Ҳар биримиз у тезроқ оёққа туриб кетишига умид қиляпмиз.
Бундай ҳодисалар содир бўлиб туради. У тўпга ўйнамоқчи бўлди. У Вирджилга қасддан жароҳат етказиш ниятида эмасди. У атайин жароҳат етказиш ниятида эди деган гапларга ишонмаслик керак. Бу футбол, бу ерда ҳамма жароҳат олиши мумкин. Ван Дейк буни жуда яхши билади», – деди Анчелотти.
