«Милан» Европа лигаси гуруҳ босқичи 1-тури доирасида «Селтик» меҳмони бўлиб, 3:1 ҳисобида ғалаба қозонди.
Шу тариқа, «россонери»нинг барча мусобақалар доирасидаги мағлубиятсиз ўйинлар серияси 21тага етди — 16 ғалаба ва 5 дуранг.
Стефано Пиоли жамоаси сўнгги бор март ойида ўтказилган «Женоа»га қарши А серия доирасида ўйинда мағлубиятга учраган эди (1:2).
«Милан» навбатдаги баҳсни 26 октябрь куни «Рома»га қарши ўтказади.