Украина терма жамоаси бош мураббийи Андрей Шевченко аввалроқ Европанинг бой клублари янги турнир ўйлаб топишгани ҳақидаги хабарларга ўз муносабатини билдирди.
Европанинг 18 та бой клуби ЕЧЛдан ташқарида бўлган турнир ташкил этишни режалаштирмоқда. Бюджети катта бўлмаган клублар ушбу турнирда иштирок эта олишмайди.
«Европа Суперлигаси биз билган футболни ўлдиради. Масалан Украинага ўхшаган мамлакатлар футболи жабр чекади ва элит чемпионатлар ривожланади. Футболни барча учун бирдек ривожлантириш керак», – деб пост қолдирди Шевченко ўзининг "Твиттер"даги расмий саҳифасида.
Европа Суперлигаси 2024 йилдан ташкил этиши режалаштирилмоқда. УЕФА бу борада расмий баёнот бермади.
