Лондоннинг "Челси" клуби ярим ҳимоячиси Жоржиньо ёзги трансфер бозорида "Арсенал" клубидан тушадиган таклифга тайёр турганини тан олди. Бироқ, якунда "Арсенал" "Атлетико" ярим ҳимоячиси Томас Партини сотиб олишни маъқул топганди.
- Ҳар бир футболчи музокаралар олиб бориш учун доим тайёр деб ҳисоблайман. Биламан, потенциал трансфер ҳақида гаплашган. Якунда мен "Челси"да қоладиган бўлдим. Энди менинг фикрим бутунлай "кўклар" билан ва олдимизда турган мавсумда яхши натижа қайд этиш учун меҳнат қиламиз.
Жамоамиз ёзги трансфер бозорида жуда фаол ишлади. Янги келган футболчилар иқтидорли саналади ва шубҳасиз улар жамоамизга ёрдам беришади.
Қачонки футболчилар ўртасида мана шундай юқори рақобат юзага келса, у ҳолда жамоа савияси ошади, қачонки клубнинг савияси ошса, жамоа бошқа рақиблар билан бемалол рақобатлаша оладиган бўлади, - Жоржиньонинг сўзларидан иқтибос келтирмоқда Goal.com.
