Донецкнинг «Шахтёр» клуби ўзининг расмий сайти орқали жамоанинг умумий машғулотларига беш нафар асосий футболчилар қайтганини эълон қилди.
Степаненко, Патрик, Матвиенко, Тайсон ва Болбатлар коронавирусдан тузалишди ва жамоанинг умумий машғулотларида иштирок этишга рухсат олишди. Барча футболчилар Европа чемпионлари лигаси доирасида Италиянинг «Интер» клубига қарши бўладиган учрашувда майдонга тушади.
«Шахтёр» ЕЧЛнинг биринчи турини Мадридда ўтказди ва сенсацион тарзда «Реал» клубини 3:2 ҳисобида мағлубиятга учратди. Ўша учрашувда украиналиклар деярли иккинчи таркиби билан ҳаракат қилганди.
«Интер»га қарши учрашув 27 октябрь куни Киев шаҳрида бўлиб ўтади.
