Англиянинг «Лидс» клуби ҳужумчиси Патрик Бэмфорд АПЛнинг 6-тур доирасида «Астон Вилла» (3:0) жамоаси дарвозасини уч маротаба ишғол этди.

27 ёшли ҳужумчи АПЛнинг жорий мавсумида олтита учрашувда майдонга тушиб, олтита гол киритди. У АПЛ тўпурарлар рўйхатидан жой олди. Тўпурарлик пойгасида Сон Хён Мин («Тоттенхэма») ва Доминик Кэлверт-Льюин («Эвертон») 7 тадан гол киритишган. «Ливерпуль» ҳужумчиси Муҳаммад Салоҳнинг ҳисобида ҳам олтита гол бор.

Қайд этиш керакки, Бэмфорд бунгача АПЛда бир марта хет-трик қайд этганди. 2016/17 йилги мавсумда у «Мидлсбро» таркибида ҳаракат қилиб, бир ўйинда учта гол киритишга эришганди. Ўша мавсумнинг иккинчи ярмида «Бёрнли» таркибига қўшилиб, бир марта ҳам рақиб дарвозасини ишғол эта олмаганди.

Шунингдек, Бэмфорд 2015/16 йилги мавсумда «Кристал Пэлас» ва «Норвич» жамоалари таркибида ҳам ўйнаганди ва ўша мавсумда ҳам гол ура олмаганди.