Италиянинг «Милан» клуби футболчиси Хакан Чалханоглуга А Сериянинг учта етакчи жамоалари давогарлик қилмоқда. Бу FCInterNews портали хабар бермоқда.
«Ювентус», «Интер» ва «Наполи» клублари туркиялик футболчи билан январь ойида шартнома имзолашга ҳаракат қилиб кўради. Transfermarkt портали Чалханоглунинг трансфер нархини 23 миллион евро атрофида баҳоламоқда.
Ўз навбатида «Милан» клуби ўз футболчиси билан шартномани узайтириш ниятида. Туркиялик футболчининг "Милан" клуби билан амалдаги шартномаси 2021 йилнинг июнь ойигача мўлжалланган.