24 октябрь куни «Камп Ноу» стадионида Ла лиганинг 7-туридан ўрин олган «Барселона» ва «Реал» жамоалари ўртасида ўйин бўлиб ўтди. Учрашув мадридликларнинг 3:1 ҳисобидаги ғалабаси билан якунланди.

«Мадрид» ярим ҳимоячиси Иско бутун ўйинни захира ўриндиғида ўтказди. У жамоадошлари Марсело ва Лука Модрич билан ўзининг жамоадаги ўрнини муҳокама қилаётган жараённи операторлар суратга олишди. Иско суҳбат давомида Зидандан норози эканини маълум қилган.

«Агар у [Зидан] мени захирага олмоқчи бўлса, ўйиннинг 50 ёки 60-дақиқасида, баъзида эса танаффусда захирага олади. Агар мени майдонга туширмоқчи бўлса, 80-дақиқада туширади», — деди Иско жамоадошларига.

Марсело эса унинг сўзларига кулиб қўйди. Иско жорий мавсумда умумий миқдорда майдонда 147 дақиқа ҳаракат қилди.