Италия А Сериясининг 5-турида «Милан» ва «Рома» жамоалари 26 октябрь, душанба куни "Сан-Сиро"да ўзаро тўқнаш келишди.

Учрашувнинг 2-дақиқасидаёқ Златан Ибраҳимович миланликларни олдинга олиб чиққан бўлса, 14-дақиқада Эдин Жеко рақиб дарвозабонининг хатосидан унумли фойдаланиб ҳисоб тенглаштирди.

Иккинчи бўлимнинг ҳам иккинчи дақиқаси Милан шаҳри жамоаси учун омадли кечди. Алексис Салемакерс қанотдан узатилган тўпни дарвозага аниқ йўналтирди. Бунга римликлар 71-дақиқада пенальтидан урилган гол билан жавоб берди.

79-дақиқада энди «Рома» дарвозаси томон пенальти белгиланди, уни Ибраҳимович муваффақиятли ижро этди. 84-дақиқада Мараш Кумбула меҳмонларнинг учинчи голини уриб, мувозанатни тиклади.

Шу тариқа мавсумда илк бор очко йўқотган «Милан» 13 очко билан биринчи ўринда қолди. «Рома» (8) эса 9-поғонада бормоқда.

А Серия, 5-тур
«Милан» — «Рома» 3:3
Голлар: 1:0 – 2 Ибрагимович, 1:1 – 14 Жеко, 2:1 – 47 Салемакерс, 2:2 – 71, пенальти Верету, 3:2 – 79, пенальти Ибрагимович, 3:3 – 84 Кумбула.
«Милан»: Тетерушану, Романьоли, Калабрия, Кер, Тео, Чалхонўғлу, Салемакерс (Крунич, 72), Беннасер, Кессиэ, Ибрагимович, Рафаэл Леау (Кастильехо, 72).
«Рома»: Миранте, Спинаццола, Рожер, Манчини, Карсдорп (Бруно Перес, 66), Мхитарян, Пеллегрини (Кристанте, 76), Педро, Верету (Вильяр, 86), Кумбула, Жеко.
Огоҳлантиришлар: Рафаэл Леау (70), Ибрагимович (75), Педро (77), Кристанте (81), Тео (82).