Римнинг "Лацио" клуби ЕЧЛ доирасида Бельгиянинг "Брюгге" клубига қарши ўйиндан олдин таркиб борасида жиддий муаммога дуч келиши мумкин. Чунки, "Лацио"нинг ўйинолдин машғулотларда саккиз нафар футболчи қатнашмади.
TMW порталининг ёзишига қараганда, ўйинолди машғулотларда Луис Альберто, Андреас Перейра, Лукас Лейва, Мануэль Лаццари, Данило Катальди, Луиз Фелипе, Тома Стракоша ва Чиро Иммобилелар иштирок этишмаган.
Маҳаллий ОАВнинг ёзишига қараганда, "Лацио"нинг ушбу футболчиларида коронавирус аниқланган, лекин клуб бу маълумотни ҳали тасдиқлагани йўқ.
