Каталониянинг "Барселона" клуби президенти Жосеп Бартомеу жамоани тарк этишни хоҳлаган Лионель Месси мавзусига қайтди.

— Месси билан менда алоқа бор. Унинг атрофида янги лойихани фаоллаштириш ғояси бўлган. Мени клубнинг молиявий ҳолатини яхшилаш учун Мессини сотиб юбориш ғояси мендан чиққанлиги ҳақида айблашган. Бироқ, мен бу айбловларга жавоб бергим келмади. Ҳозир ҳам жавоб бериш ниятида эмасман. Лео — бизнинг сардор. Мен уни тушунаман. Айни пайтда бутун жамоа ва Лео ғазабда, чунки биз бошқа натижа хоҳлагандик. Ғазабланиш яхши албатта, чунки бу амбиция ва хоҳиш борлигини англатади. Шартномани бир томонлама бекор қилиб, клубни тарк этиш банди ўз кучини йўқотган. Месси "Барселона"да ўйнашда давом этмоқда ва умид қиламанки, у узоқ йиллар бизнинг либосда майдонга тушади. У ўзининг футболчилик фаолиятини бизнинг жамоада якунлаши керак, — деди Бартомеу AS билан суҳбатда.