Мадриднинг "Реал" клуби ЕЧЛнинг иккинчи тур доирасида Германияга сафар уюштирди ва Менхенгладбахнинг "Боруссия" клуби билан куч синашди.

Тюрам икки гол билан ўз жамоасини олдинга олиб чиққан эди. Бироқ, ўйиннинг сўнгги дақиқаларида хотиржамликка берилиб кетган мезбонларни мадридликлар аяб ўтирмади.

Аввалига 87-дақиқада Бензема ҳисобни қисқартирган бўлса, қўшиб берилган дақиқалар ўтиб бораётган паллада Каземиро ҳисобни тенглаштириб, жамоасини муқаррар мағлубиятдан қутқариб қолди.

"Боруссия" - "Реал" - 2:2 (1:0)

Голлар: Тюрам, 33 - 1:0, Тюрам, 59 - 2:0, Бензема, 87 - 2:1, Каземиро, 90+3 - 2:2

"Боруссия М": Зоммер, Эльведи, Гинтер, Лайнер, Бенсебайни, Хофманн, Крамер, Штиндль (Вольф, 79), Нойхаус, Плеа (Эмболо, 79), Тюрам (Херрманн, 71).

"Реал": Куртуа, Рамос, Варан, Менди, Васкес, Каземиро, Кроос (Модрич, 71), Асенсио (Родриго, 84), Вальверде, Винисиус Жуниор (Азар, 70), Бензема.