Бугун Термизда Суперлига 21-туридан ўрин олган «Сурхон» - «Локомотив» баҳси бўлиб ўтади.
Соат 15:00да бошланадиган учрашувни «Спорт» канали тўғридан тўғри эфирга узатишни режалаштирган. Турнир жадвалида «Локо» 26 очко билан 9-ўринни эгаллаб турибди. «Сурхон» ҳисобида 12 очко бўлиб, бу жамоа 13-ўринда боряпти.
Бугунги баҳс «Локомотив» учун иккинчи давра ҳисобидан сафардаги 5-учрашув бўлади. «Темирйўлчилар» бунгача бешта сафар беллашувида икки ғалаба, иккита дуранг ва бир мағлубият қайд этишган.
«Сурхон» бугун иккинчи давра ҳисобидан ўз майдонидаги 4-ўйинини ўтказади. Термизликлар уйдаги охирги 4та ўйиндан биттасида ғалаба қозониб, уч бор мағлуб бўлишди. Хусусан жамоа АГМК, «Қўқон-1912» ва «Пахтакор»га умумий 0:8 ҳисобида имкониятни бой берди. Яъни бу ўйинларда майдон эгалари тўп кирита олишмади.
«Локомотив» охирги учта сафар учрашувидан бери ғалаба қозона олмаяпти. Жамоа «Металлург» ва «Қизилқум» билан дуранг ўйнаган бўлса, «Сўғдиёна»га мағлуб бўлди.
