"Барселона" собиқ мураббийи Кике Сетьен ҳужумчи Лионель Месси ҳақида фикр билдирди. Унинг фикрига кўра аргентиналик форвардни бошқариш жуда қийин.
"Менимча, Месси ҳозирги замондаги энг яхши футболчи. Албатта, бошқа буюк футболчилар ҳам бор, аммо у бутун фаолияти давомида футболнинг ажойиб сифатларини намойиш қилиб келмоқда.
Мессини бошқариш жуда мушкул. Мен уни ўзгартира олмасдим. "Барселона" уни тўғри тушунди, ҳеч ким унга таъсир ўтказишга уринмади. У деярли гапирмайди, у жуда босиқ", -деди мураббий.
