«Барселона» ҳужумчиси Антуан Гризманн Ла лиганинг 8-тури доирасида бўлиб ўтган «Алавес»га қарши ўйинда жамоаси бир киши кўп бўлиб ўйнаб, ғалаба қозона олмаганида (1:1) ўзини айблади.

Гризманнинг ўзи 63-дақиқада ҳисобни тенглаштирувчи гол муаллифига айланди.

«Биз ғазабландик. Чунки 3 очкони қўлга киритмоқчи эдик. Жамоа рақиб дарвозаси олдида кўп хато қилмоқда, биринчи навбатда — мен. Бизда кўп имкониятлар бўлди, аммо биттагина гол урдик. Ўз ўйинимизни яхшилаш устида ишлашимиз керак. Жамоага менинг голларим керак. Мен эса бунинг устида ишлаяпман», — деди Гризманн.

Эслатиб ўтамиз, «Барселона» Испания чемпионатида 4та ўйиндан бери ғалаба қозона олмаяпти (2 мағлубият, 2 дуранг).