Мадриднинг «Реал» клуби ҳимоячиси Рафаэл Варан жамоанинг жорий мавсумдаги ўйинларига баҳо берди.

«Ўзимизни ишончли ҳимоя қилсак ўзимни янада қулай ҳис қиламан. Қачонки жамоамиз ёмон ҳимояланса, биз қийинроқ қарорлар қабул қилишимизга тўғри келади. Тўғри, Серхио Рамоссиз ЕЧЛда яхши ўйин намойиш эта олмадик. У менга ёрдам беради, лекин ҳимоя - бу жамовий иш.

Тўғри, бизга барқарорлик етишмаяпти. Тақвим қийин ва бу йил тайёргарлик бошқача. Биз ўйинларга астойдил тайёргарлик кўряпмиз ва жароҳатлар ҳақида ўйламаяпмиз. Бундай темпдаги ўйинларда жароҳат олган футболчилар Европада етарлича топилади. Бироқ биз ғалаба ҳақида ўйлашимиз шарт», - деди Варан Marca нашри билан суҳбатда.

Эртага «Реал» ЕЧЛнинг 3-тур доирасида Италиянинг «Интер» клубини қабул қилади.