Мадриднинг «Реал» клуби бош мураббийи Зинедин Зидан ЕЧЛнинг 3-тур доирасида «Интер»га қарши бўладиган учрашув ҳақидаги фикрлари билан ўртоқлашди.
«Интер» – яхши жамоа. Улар жисмоний тайёргарликка катта урғу беришади ва футболни яхши ўйнашади. Бизни қийин ўйин кутиб турибди. Бу навбатдаги финал бўлади.
Бу финал, бироқ, Мадридда ҳар куни янги финал бўлади. Биз буни биламиз ва эҳтиёткорлик билан ўйнашга ҳаракат қиламиз. Эртага уч очко олмоқчимиз.
Бу ерга жамланган барча футболчилар тарих яратишга тайёр. Эден Азар, Карим Бензема ва Марко Асенсиолар жамоамиз учун жуда муҳим. Аминманки, улар муҳим роль ўйнайди.
Биламан, жамоада ниманидир ўзгартириш ҳақида гап-сўз бўлди. Бироқ, жамоадагиларнинг барчаси ғалаба қозониш ниятида эканликларини кўряпман, бу мураббий учун жуда яхши», – деди франциялик мураббий.
