Англиянинг «Манчестер Сити» клуби бош мураббийи Хосеп Гвардиола ЕЧЛнинг 3-тур доирасида "Олимпиакос" клубига қарши бўлиб ўтадиган учрашув ҳақидаги фикрлари билан ўртоқлашди.
«Ҳалиям ЕЧЛда муваффақиятли иштирок эта олмаслигиз эҳтимоли бор. Бироқ, дастлабки учта учрашувда 9 очко жамғарсак, у ҳолда ўз мақсадимизга етамиз. Шунда кейинги босқичга чиқишимиз учун қолган учта учрашувда уч очко олишимиз талаб этилади.
Ўз майдонимизда ғалаба қозонишимиз шарт. Шу билан бирга эҳтиёткорлик билан ҳаракат қилишимиз талаб этилади. «Олимпиакос» - ажойиб жамоа. Улар ўз майдонида «Марсель» клубини мағлуб этишди. Биз ушбу ўйинга жиддий тайёргарлик кўришимиз керак, ундан кейин эса бизни «Ливерпул»га қарши яна бир жиддий ўйин кутиб турибди, — деди Пеп Гвардиола.
