Каталониянинг "Барселона" клуби дарвозабон Марк-Андре тер Штеген ЕЧЛнинг 3-тур доирасида Киевнинг "Динамо" клубига қарши бўлиб ўтадиган учрашувда майдонга тушадиганга ўхшайди, дея хабар тарқатмоқда Sport.es сайти.
Манбанинг ёзишига қараганда, германиялик дарвозабон жамоанинг умумий машғулотларида иштирок этган ва Европа Чемпионлари Лигаси ўйинида майдонга тушиши мумкин.
Тер Штеген "Барса"даги сўнгги ўйинини Мюнхеннинг "Бавария" клубига август ойида ўтказганди ва ўша беллашувда жароҳат олганди.
"Барселона" - "Динамо" баҳс 4 ноябрь куни бўлиб ўтади.
