Испаниянинг «Валенсия» клуби собиқ футболчиси Хоакин Рональд Куман билан бирга ишлаган пайтларини ёдга олди. 2007 йили нидерландиялик мутахассис "Валенсия" клуби бош мураббийи этиб тайинланганди. Жамоа натижалари тезлик билан ёмонлашганди. Хоакин ҳеч қачон Куман билан бирга ишлаш ниятида эмаслигини яширмади.
«Бу менинг ҳаётимдаги энг ижобий тажриба эмасди. Бироқ, ҳар қандай взиятдан ҳам нимадир ўрганиш керак. Тафсилотларга батафсил тўхталишни хоҳламайман. Бу ҳолат мени жуда ёмон синдирганди, мен жуда ёмон эдим.
Куман «Бетис» (Хоакин ҳозир «Бетис»да ўйнамоқда, - таҳририят) бош мураббийи бўлса? У ҳатто мен учун хизматкор сифатида ишламайди. Ўйлайманки, у ҳам, мен ҳам бир-биримизни қўлларимизни қисиб қўймаймиз», - деди Хоакин.
