Бизнинг биринчи ютуғимиз, вилоятлараро қатновлар тўхтатилган бўлса-да, мусобақани марказлаштирилган ҳолда давом эттира олганимиз бўлди.
Биз Пахтакор футбол клубининг Чемпионлар лигасида муносиб иштирок этиб қайтишига эриша олдик.
Пандемия даврида футбол учрашувларини ўтказишга доир регламентни тез фурсатда ишлаб чиқа олганимиз катта ютуқ бўлди.
ЎзПФЛ қошида тиббий комиссия тузилгани ва у жамоалардаги ҳолатни мониторинг қила бошлагани катта ёрдам берди.
Тиғиз тақвимда ҳам Ўзбекистон миллий терма жамоасининг халқаро ўйинларда иштирок эта олиши учун имкон ярата олдик.
Шунингдек, U-18 биринчилиги, аёллар чемпионати, Про лига, Биринчи лига ҳамда Ўзбекистон Coca Cola кубоги форматларини ўзгартиришга мажбур бўлдик.
