Sky Sports нашрининг тарқатган маълумотига қараганда, Англиянинг «Астон Вилла» клуби жамоа сардори Жек Грилишни ўз таркибида сақлаб қолмоқчи.
25 ёшли англиялик футболчига «Манчестер Юнайтед» клуби фаол қизиқиш билдирмоқда. Футболчининг хизматига «қизил иблислар» бош мураббийи Оле-Гуннар Сульшернинг шахсан ўзи қизиқиш билдирмоқда.
Шунингдек, хабарда ёзилишича, Грилишга «Эвертон» клуби томонидан ҳам қизиқиш бор.
Жорий мавсумда Грилиш жамоанинг 6 та учрашувда майдонга тушиб, 4 та гол киритди ва 4 та голга ассистентлик қилди.
