Про лига якуний босқичи доирасидаги дастлабки ўйинда «Динамо» жамоаси Самарқандда Фарғонанинг «Турон» клубига аламли мағлубиятга учради.

Учрашувдаги ҳисоб 8-дақиқада Суҳроб Нуруллоев томонидан очилган бўлса-да, водийликлар 25-дақиқада Дониёр Исмоиловнинг голи эвазига ҳисобни тенглаштиришди. 56-дақиқада эса рақиб футболчиси навбатдаги голни киритди – 1:2.

Ушбу мағлубиятдан кейин Сергей Лушчан мураббийлигидаги «Динамо» 22 очко билан 4-ўринда қолди. 3-ўриндаги «Турон» эса очколари сонини 26тага етказди.

Суперлига йўлланмаси учун курашда имкониятларини пасайтириб юборган «Динамо» 10 ноябрь куни азалий рақиби Фарғонанинг «Нефтчи» жамоасини қабул қилади.

Про лига. 15-тур
5 ноябрь (пайшанба)
«Динамо» - «Турон» - 1:2
Ҳакам: Рустам Лутфуллин
Голлар: Суҳроб Нуруллоев 8 пенальти - Дониёр Исмоилов 25, Абдулазиз Абдурашидов 56.
«Динамо»: 1.Эркин Жабборов, 2.Бекзод Аҳмаджонов, 7.Суҳроб Нуруллоев (Амиржон Сафаров, 76), 8.Элдор Бойматов (Бобур Қосимов, 65), 11.Дамир Темиров, 14.Андрей Сидоров (Азамат Алланиёзов, 46), 19.Обид Жўрабоев, 21.Муҳаммадқодир Ҳамралиев, 24.Фарҳод Намозов (Ҳакимхон Аъламхонов, 75), 26.Комил Шарофутдинов, 78.Ойбек Нурматов (Шарофутдин Шобиров, 46).
«Турон»: 87. Акмал Ортиқов, 2. Абдулазиз Абдурашидов, 3. Шукурали Пўлатов, 5. Ойбек Ахматов, 7. Умиджон Қодиров, 14. Дониёр Исмоилов, 15. Шоҳрух Холматов, 22. Ғолиббек Сарибоев, 23. Хуршидбек Асқаралиев, 25. Исмоилжон Охунжонов, 71. Миржалол Мирзаев (9. Отабек Ҳайдаров, 46).