Каталониянинг «Барселона» клуби сардори Лионель Месси ўз келажаги борасидаги режаларини ўзгартиргани йўқ. Cuatro порталининг ёзишига қараганда, гарчи Хосеп Бартомеу клуб президентлиги лавозимини тарк этган бўлишига қарамай, Месси жамоадан кетиш режасини ўзгартиргани йўқ.

Қайд этилишича, Месси совринли ўринлар учун курашадиган жамоада ўйнашни хоҳламоқда. Аргентиналик футболчининг фикрича, ҳозирги "Барселона" жиддий муаммоларни ҳал қилишга қодир эмас.

Манбанинг ёзишича, Лионель Месси "Барселона"даги келажагига президентлик сайловларидан сўнг аниқлик киритади.

Эслатиб ўтамиз, "Барселона" клубига президентлик сайловлари 2021 йили баҳорда ўтказилиши режалаштирилган.