Cadena SER порталининг тарқатган маълумотига қараганда, Мадриднинг "Реал" клуби раҳбарияти Серхио Рамос билан 2023 йилнинг ёзигача шартнома узайтиришга қарор қилди. Бироқ, футболчи 2024 йилгача мўлжалланган шартнома кутаётган эди.
Умуман олганда, раҳбарият аввалига Рамосга бир йиллик шартнома таклиф қилмоқчи эди, лекин сўнгги паллаларда режа ўзгарди ва шартнома 2023 йилгача мўлжалланди.
Бундан ташқари, «қаймоқранглилар» Рамоснинг ойлик маошини ошириб бермайди. Томонлар олиб бораётган музокара режадагидек кетаётгани ва шартнома шу йилнинг охиригача узайтирилиши тахмин қилинмоқда.
