Англиянинг "Вулверхэмптон" клуби бош мураббийи Нуну Эшпириту Санту собиқ шогирди Диого Жотанинг "Ливерпул"да кўрсатаётган ўйинларидан хурсанд эканлигини яширмади.
— Барчамиз Диого учун хурсандмиз. Жота футболдан завқ олмоқда, у "Ливерпул"даги фаолиятини ажойиб тарзда бошлади. Ўйлайманки, Юрген Клопп у билан бирга ишлашдан хурсанд. Биз Жота билан биргаликда 4 мавсум ишладик, шунча пайтдан сўнг футболчининг муваффақиятга эришса, бундан фақат хурсанд бўлиш керак. Диого мисолида бу сюрприз эмас. Умид қиламанки, у мана шу тарзда ўйнашда давом этади ва унинг кулиб туришини кўриш ёқимли, - Санту Sky Sports билан суҳбатда.
