Бугун Беларусь чемпионатининг жорий мавсумдаги чемпионини аниқлаб бериши кутилган учрашув бўлиб ўтди. «Шахтёр» Солигорскда БАТЭни қабул қилди.

Борисовликлар баҳснинг 25-дақиқасида Нехайчикнинг голи эвазига ҳисобни очишди. "Шахтёр"нинг ҳисобни тенглаштиришга бўлган уринишлари ўйиннинг 81-дақиқасига келиб ўз самарасини берди. Белгиланган пенальтини Бегунов аниқ амалга оширди.

Учрашув сўнгида ғалаба тўпини киритиш учун Жасур Яхшибоевда иккита имконият бўлди. Дастлаб ҳакам унга нисбатан ишлатилган қўполлик учун пенальти бермаган бўлса, орадан кўп ўтмасдан ўзбекистонлик футболчи рақиб дарвозабони билан яккама-якка вазиятда посбонни доғда қолдира олмади.

Ушбу дурангдан кейин БАТЭнинг очколари 54тага "Шахтёр"ники эса 53тага етди. Шу тариқа, мавсум тугашига 2 тур қолганида чемпионлик тақдири БАТЭнинг қўлида қолмоқда.

Беларусь чемпионати, 28-тур. 21:00
Шахтёр – БАТЭ 1:1 (0:1, 1:0)
Голлар: 0:1 – 25 Нехайчик, 1:1 – 81, пенальти Бегунов.
Шахтёр – Гутор, Антич, Хадаркевич, Бегунов, Сачивко, Подстрелов, Иванович, Сзоке, Кендыш, Яхшибоев, Кабананга (Архипов, 53).
БАТЭ – Чичкан, Филипенко, Филипович, Настич, Филипович, Виллумссон, Яблонский, Стасевич, Драгун (Бессмертный, 88), Нехайчик (Милич, 74), Скавиш (Сигневич, 82).
Огоҳлантиришлар: Драгун (30), Хадаркевич (57), Яхшибоев (69), Скавиш (81).