Англиялик машҳур собиқ футболчи Гари Линекер кеча бўлиб ўтган баҳслардаги айрим «VAR»га алоқадор ҳолатлар ҳақида фикр билдирди.

«Кеча "Лидс" ғалабага ҳақлироқ ўйин кўрсатган эди. Лекин дастлабки дақиқаларданоқ "VAR" бунга тўсқинлик қилди. Бемфорд урган голни ҳисоблашса ҳам бўларди, лекин бугунги кунда қонун-қоидалар жуда мираккаблашиб кетган. Инобатга олинмаётган голлар ўйин темпига салбий таъсир килмоқда, "VAR"га бироз ўзгартиришлар киритиш керак. У энг керакли паллаларда футболни бузиб қўймоқда. Шубҳасиз, футбол тарихидаги энг ёмон кашфиёт.

Линекернинг бундай фикрларига кеча Бемфорднинг инобатга олинмаган голи сабаб бўлди. Ўшанда англиялик футболчининг голда иштирок этадиган қўли чизиқдан ташқарига чиқиб қолган эди. Лекин кўпчиликнинг фикрига кўра, бу борада жиддий хатога йўл қўйилганлиги айтилмоқда.