Англиянинг "Манчестер Юнайтед" клуби собиқ футболчиси Рой Кин "Манчестер Сити" ҳимоячиси Кайл Уокер "Ливерпуль"га қарши учрашувда ўз жарима ичида ўйин қоидасини бузган вазият ҳақида фикр билдирди.
Кайл Уокер ўз жарима майдончаси ичида Садио Манега нисбатан қўполлик қилди ва бунинг натижасида пенальти белгиланди. 11 метрли жарима тўпини эса Салоҳ аниқ амалга оширди.
«Одамлар Уокерни яхши ўйнайди дейишади, лекин мен бундай деб ўйламайман. Унинг ёши 30да, терма жамоада ўйнайди, шу сабабли бундай аҳмоқона хатоларга йўл қўйишни бас қилиши керак. «Ливерпул»га қарши ўйинда у аҳмоқларча ўйнади, чунки ҳимоячи ўз жарима майдончаси ичида танк каби зарба бериши учун ғирт аҳмоқ бўлиши керак.
Умуман олганда менда «Манчестер Сити» футболчиларига эътироз йўқ, фақатгина Уокерга бор», — деди Рой Кин.
