Каталониянинг «Барселона» клуби ярим ҳимоячиси Миралем Пьянич клуб тарихида ўз номини қолдириш ниятида эканлигини яширмади.
«Мен дунёнинг энг кучли жамоаси таркибидаман, мен ерда ўйнашни доим орзу қилганман. Лекин, мен жамоа таркибида шунчаки юриб бахтиёр бўла олмайман. Клуб тарихида ном қолдиришни хоҳлайман ва умид қиламанки, буни амалга ошириш учун имконият бўлади. Мен футболдаги энг катта совринларни ютмоқчиман ва менинг бугунги кундаги мақсадим — кучли футболчилар орасида бўлиш», — деди Пьянич barcablaugranes.com сайтига берган интервьюсида.