«Бугун Гуннерзавр «Эмирейтс»га қайтди» – деб пост ёзилди маскотнинг "Твиттер"даги расмий саҳифасида.
Эслатиб ўтамиз, «Арсенал» коронавирус пандемияси шароитида ҳаражатларни камайтириш учун 1993 йилдан бери клубнинг маскоти бўлиб ишлаб келган Жерри Куайни қисқартиришга қарор қилганди.
Клуб трибунада мухлислар бўлмаган шароитда Гуннерзавр ҳам керак эмас деб ҳисоблаганди. Ушбу қарор клуб мухлисларининг кескин эътирозларига сабаб бўлганди. Трансфер ойнасининг сўнгги кунида «Севилья» маскот билан битим имзолаганди.
Кейин АПЛ ва Европа Лигаси рўйхатидан олиб ташланган жамоа ярим ҳимоячиси Месут Ўзил Гуннерзавр жамоада қолиши учун маошини тўлиқ унга тўлашга рози эканлигини билдирганди.
