Нидерландия терма жамоаси бош мураббийи Франк де Бур Донни ван де Бекнинг «Манчестер Юнайтед»даги муаммолари ҳақида гапирди.

«Албатта, унга имкон қадар кўпроқ ишонч билдиришга ҳаракат қиламан. Мен уни Италия терма жамоасига қарши ўйинда майдонга туширдим, у эса ёмон ўйин намойиш этмаганди. У «Манчестер Юнайтед»да яхши ўйнамоқда, лекин уларнинг ажойиб ярим ҳимояси бор.

Оғир, аммо Донни етарлича ўйнайди. Албатта, у кўпроқ ўйнашни хоҳлайди, лекин у бошқа турнирга кўникиши керак. Ўз тажрибаси билан кўпроқ вақт ўйин амалиётига эга бўлади деб умид қиламан. Нима бўлган тақдирда ҳам, у тайёр, биз эса ундан фойдаланишимиз керак», – деди де Бур.