"Бавария" мухлислари ярим ҳимоячи Йозуа Киммихни жамоанинг октябрь ойидаги энг яхши футболчиси деб топишди. Бу ҳақда клуб матбуот хизмати хабар тарқатди.
Манбанинг ёзишича, Киммих 31 фоиз овоз билан 1-ўринни қўлга киритган. Иккинчи ўринни Левандовски (25 фоиз), учинчи ўринни эса Томас Мюллер (16 фоиз) эгаллаган.
Эслатиб ўтамиз, "Боруссия Дортмунд"га қарши ўйинда Киммих жиддий жароҳат олган эди.