Фарер ороллари терма жамоаси Литвага қарши ўртоқлик ўйинида майдонга тушиб, 1:2 ҳисобида имкониятни бой берди.
Мазкур ўйинда оролликлар сафида ҳужумчи Хилмар Леон Якобсен дебют қилди. Эътиборли томони, спортчи шу пайтгача гандбол жамоаси сафида фаолият юритган. Ушбу йилдан бошлаб у фаолиятини футболда давом эттиришга қарор қилди.
23 ёшли ҳужумчи жорий мавсумда «Торсхавн» клуби сафида 17та ўйинда майдонга тушиб, 12та гол урди.