Туриннинг «Ювентус» клуби дарвозабони Жанлуиджи Буффон Криштиану Роналдунинг муваффақиятлари ҳақида фикр билдирди.
«Буюк CR7!!! Дўстим, сени ажойиб кўрсатиш билан табриклайман, 746 гол – бу жуда катта рақам!
Сен Пушкашга етиб олдинг, энди Пелега етишинг керак!» – деди Буффон.
Эслатиб ўтамиз, Португалия терма жамоасининг Андорра (7:0) терма жамоасига қарши ўйинда Роналду фаолиятидаги 746-голини киритди. У ўзининг ушбу кўрсаткичи орқали венгриялик ҳужумчи Ференц Пушкашга тенглашиб олди.
Барча даврларнинг энг яхши тўпурари бўлган бразилиялик Пеле Роналдуни 21 та гол билан ортда қолдирмоқда.
