Иқтисодий муаммолар туфайли Каталониянинг "Барселона" клуби раҳбарияти қўшимча даромадлар манбасини изламоқда.
Испания матбуотининг ёзишига қараганда, каталонияликлар Голливуд студиялари вакиллари билан музокара олиб борди. "Кўк-анорранглилар" АҚШ компаниялари билан келишувга эришмоқчи.
Ушбу усул клубга 200 миллион еврогача пул ишлаб олишига ёрдам бериши режалаштирилган: 100 миллион - тўғридан-тўғри бирор бир лойиҳадан ва яна 100 миллион — бизнесга сармоя киритишдан.
Бундан ташқари, кино саноати вакиллар билан тузилган шартнома "Барселона" томонидан брендни дунёга тарғиб қилиш сифатида кўрилади.
