Каталониянинг "Барселона" клуби ҳужумчиси Лионель Месси кейинги мавсумда жамоага содиқлиги учун қўшимча бонус олади дея хабар бермоқда ESPN.
Манбанинг ёзишига қараганда, мукофот пули 33 миллион еврони ташкил этади. Қайд этилишича, 2017 йили узайтирилган шартномага кўра Месси 66 миллион евро олиши керак. У ушбу мукофот пулининг бир қисмини шу йилнинг февраль ойида олган эди.
Месси "Барселона" тарбияланувчиси саналади. У асосий таркибда 2004 йили дебют ўйинини ўтказган. 33 ёшли аргентиналик футболчининг ҳисобида 700 дан ортиқ гол бор. Месси олти марта "Олтин тўпни" қўлга киритган.
