«Барселона»нинг аргентиналик ҳужумчиси Лионель Месси яқинда футболчилик фаолиятини якунлаган собиқ жамоадошлари Фернандо Гаго ва Хавьер Маскераноларга мурожжат йўллади.
«Мен ушбу йигитлар билан узоқ йил завқ билан яшадим. Энди эса улар футболдан кетди. Хайрлашиш учун бу имкониятни бой бериш ниятида эмасман.
Ҳурматли Фернандо, умид қиламанки, сенда ҳаммаси жойида бўлади. Сен билан 17 йилдан бери танишмиз. Терма жамоамиз манфаати учун кийиниш хонасида ўз билимларингни ўртоқлашганинг ва сен билан бирга ўйнаганимдан фахрланаман. Сен буни биласан.
Мен Маскерано билан узоқ йиллар мобайнида ҳар куни бирга эдим. Биз жуда бахтиёр ва қийин кунларда «Барселона»да бирга эдик. Ишон, Маскерано, сен "Барселона"дан кетишинг билан сени қаттиқ соғина бошладик. Сенга ва оилангга дунёдаги барча яхшиликларни тилайман», — деб пост қолдирди Месси ижтимоий тармоқларда.
