El Confidencial порталининг тарқатган маълумотига қараганда, Мадриднинг "Реал" клуби ўз ярим ҳимоячиси Искони трансферга қўйганини расман эълон қилди.
Испаниялик футболчи Зинедин Зиданнинг ишончига кира олмади ва асосий таркибда айтарли майдонга тушмай қўйди. Унинг амалдаги шартномаси 2022 йилнинг ёзигача амал қилади, шу боис "қаймоқранглилар" ушбу битимдан яхшигина маблағ ишлаб олмоқчи.
Эслатиб ўтамиз, Искога асосий номзод Карло Анчелотти бошчилигидаги "Эвертон" клуби бўлиб турибди.