Франция терма жамоаси бош мураббийи Диде Дешам Миллатлар лигаси доирасида Швеция (4:2) терма жамоасига қарши бўлиб ўтган ўйиндан сўнг "Манчестер Юнайтед" ярим ҳимоячиси Пол Погбани мақтади.

«Унинг Португалия ва Швеция терма жамоаларига қарши қандай ўйнаганига эътибор беринг.

Мен уни ва у қандай ишлашини биламан. Унда мағрурлик ва энг муҳими, истеъдод бор. Ҳимояланиш қилиш зарур бўлганда у буни қила олади. Ўзини кўрсатиш имконияти бўлганда ҳам буни амалга оширади.

Пол юқори даражадаги футболчи. Умид қиламанки, у клубга қайтгач, унинг халқаро майдонларда кўрсатган нарсалари унга ёрдам беради», - деди Дешам Goal.com порталига.